Turkiya bosh vaziri harbiy to‘ntarishga urinishda 265 kishi halok bo‘lganini ma’lum qildi

Turkiya bosh vaziri Binoli Yildirim harbiy to‘ntarishga urinishda 265 kishi halok bo‘lganini ma’lum qildi. Bu haqda Al Jazeera’ga tayanib, “Gazeta.ru” xabar bermoqda.

265 kishidan 161 nafari hukumat tarafdorlari va tinch aholi vakillari bo‘lgani aytilmoqda.

Armiyaning amaldagi rahbari Umid Dundar halok bo‘lganlardan 104 nafari isyonchi, kamida 47 nafari oddiy fuqarolar ekanligini ma’lum qildi.

Eslatib o‘tamiz, oldinroq OAVlar isyonchilarning mamlakatdagi yetakchisi, Turkiya HHKning sobiq bosh qo‘mondoni Akin O‘zturk qo‘lga olinganligi xabar berilgandi.

• Turkiyadagi harbiy to‘ntarish

Turkiyada 16-iyulga o‘tar kechasi harbiy to‘ntarishga urinish yuz berdi. Hodisa natijasida 1,1 mingdan ortiq odam yaralandi. 1,5 mingdan ortiq harbiy hibsga olindi. Sud muassasalarining 2,7 mingdan ortiq xodimlari o‘z vazifasidan ozod etildi.