Bortida Turkiya prezidenti Rajab Toyyib Erdo‘g‘on bo‘lgan samolyot Istanbulni tark etdi. Bu haqda, Al Jazeera telekanaliga asoslanib, “Gazeta.ru” xabar bermoqda.
Telekanal ma’lumotlariga ko‘ra, Turkiya prezidenti Otaturk nomli aeroportdan noma’lum yo‘nalish bo‘yicha uchib ketgan.
Qayd etishlaricha, Anqara prezidentning ayni vaqtda aynan qayerda ekanligiga hozircha rasman aniqlik kiritgani yo‘q.
16-iyulga o‘tar kechasi Turkiyada harbiy to‘ntarishga urinish bo‘lib o‘tdi. So‘nggi ma’lumotlarga ko‘ra, hozirgacha to‘ntarishning 2,8 mingdan ortiq tarafdori hibsga olingan.
To‘ntarishga urinishdan so‘ng AQSh prezidenti Barak Obama Turkiyadagi barcha kuchlarni mamlakatning demokratik saylangan hukumati va prezidentini qo‘llab-quvvatlashga chaqirgan edi.Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)