15-iyul, juma kuni neft narxlari, Xitoy ma’lum qilgan ijobiy statistik ma’lumotlarga qaramasdan, pasaymoqda, deb yozadi “Interfaks”.
Londonning ICE Futures birjasida Brent neftining sentabr shartnomasi 0,7 foizga — barreliga 47,09 dollargacha arzonlashdi.
WTI neftining avgustdagi fyuchersi narxi Nyu-York tovar birjasi (NYMEX)ning elektron savdolari chog‘ida 0,6 foizga — barreliga 45,39 dollargacha pasaydi.
Dunyoda neft iste’moli bo‘yicha ikkinchi o‘rinda turuvchi Xitoy yalpi ichki mahsuloti ikkinchi chorakda yillik ifodada 6,7 foiz darajasida qoldi (aslida 6,6 foiz ko‘rsatkich kutilgan edi).
Izoh (0)