«Дарё»нинг андижонлик мобил мухбири Иқрориддин Telegram мессенжери билан боғлиқ баъзи лайфхаклар билан бўлишди.
Икки SIM-картали телефонга иккита Telegram дастурини ўрнатиш мумкинми?
Ҳозиги пайтда кўпчилик телефон фойдаланувчиларининг бир ва бир нечадан рақамлари мавжуд (SIM-карта), улар ўз телефонлари орқали мессенжерлардан фойдаланганда одатда фақат биттасидан фойдаланади, иккинчи рақамдан фойдаланишни деярли имконсиз деб билади, лекин буни амалга оширса бўлади.
Мисол учун, бир телефонга бир нечта, ҳатто ўнлаб Telegram дастурини ўрнатиш мумкин. Бунинг учун AppStore’дан Telegram, GetGems, Aniways ёки Talepal дастурларини юклаб олинг. Уларнинг тузилиши Telegram’дан бирозгина фарқ қилиши мумкин, холос.
Telegram’да тилни қандай ўзгартириш мумкин?
«Америка ҳамда Ғарбий Европа мамлакатларида яшовчи танишларим мендан Telegram’да тилни ўзгартириш, масалан рус тилига қандай ўзгартириш ҳақида сўрашади. Мен одатда Telegram ичидаги қидирув катакчасига «телеробот» деб ёзиш кераклигини ва сўнг Антон исмли робот чиқиши, унга хабар сифатида locale iOS деб ёзиш кераклигини айтаман. Бироқ iPhone орқали тилни ўзгартириш имконсиз бўлиб чиқди», — деб ёзади мобил мухбир. Хўш, Россия ва МДҲ давлатларида яшамасдан туриб, қандай қилиб Telegram’ни русча қилиш мумкин (iPhone’да)?
Сиз АҚШ ёки дунёнинг бошқа жойида яшасангиз @telerobot орқали тил ўзгартиришга ҳаракат қилманг, сизнинг ўрнингизга русча файлни МДҲ ҳудудида яшовчи бирон яқин инсонингиз ўз Telegram дастурига юклаб, сўнг сизга уни улашиши кифоя ( яъни forward қилиш). Сўнг сиз у файлини очиб активация қилиб оласиз.
Telegram’да сизни кимдир блок қилса…
Бу ҳолда сизга унинг расмлари кўринмайди , лекин у асосий суратни алиштирса диалоглар қаторида унинг янги сурат қўйгани билинади, аммо уни кўриш учун босганингизда у дарров йўқ бўлиб, бош ҳарф ёки биринчи келадиган белги ифодасига айланади.
Бундай ҳолатларда суратни кўришни антиқа услуби бор (iPhone’да). Сурат ўзгарганини сездингизми, унда дарров уни устига босманг, балки сурат ўзгариши билан, телефонингиз менюсидан Интернетни ўчиринг, сўнг чатдан ўша блок қилган инсонни суратини топамиз ва суҳбат ичига кирамиз, суҳбат орасидан юқори ўнг томонга кўчган суратни кўриш учун босамиз. Сўнг янги саҳифада сурат чапга кўчади ва шунда сурат ичига кириш мумкин. Аммо интернет ўчирилгани туфайли, у юкланмай тураверади. Интернетни қайтадан ёққанимиздан сўнг, асосий менюдан Telegram’га киришимиз билан сурат юклана бошлайди, энди нафақат ўша янги сурат балки ўша фойдаланувчининг барча суратларини кўриш ва юклаб олиш мумкин.
Изоҳ (0)