Бундан бир ой аввал, 10 июнь куни старт олган футбол бўйича 2016 йилги Европа чемпионати баҳслари ниҳоясига етди — 10 июль оқшомида бўлиб ўтган финалда Португалия термаси Францияни мағлуб этиб, ўз тарихида илк бор Европа чемпиони бўлди.
Шу билан бирга, «Дарё» интернет-нашри Ucell савдо белгиси билан ҳамкорликда эълон қилган ва бир ой давомида 10 мингга яқин футбол мухлисини қамраб олган «Евро—2016» совринли акцияси якунларини сарҳисоб қилиш вақти ҳам келди. Аксарият иштирокчилар @daryobot’да /reyting буйруғини киритиш орқали акцияда кучли ўнликдан жой олганлар ҳамда ўзи эгаллаган ўрин ҳақида маълумот олишга улгурган бўлса, ажабмас.
Евро—2016 нинг плей-офф босқичидан ўрин олган сўнгги 15 учрашув бўйича тахминлари учун атиги 11 балл тўплаган бўлса-да, мусобақа гуруҳ босқичида нақ 11 учрашувнинг натижасини 100 фоиз тўғри топгани сабаб, 998901xxx271 телефон рақами эгаси 60 балл тўплади ва «Евро—2016» акцияси ғолиби ҳамда Ucell савдо белгиси томонидан тақдим этилган Huawei P7 смартфони соҳибига айланди.
Совринли қўшма акцияда 2-ўрин 998905xxx975 телефон рақами эгасига насиб қилди. У Евро—2016 давомида 12 та учрашувнинг, хусусан, Португалия ва Франция терма жамоалари ўртасидаги финал баҳсининг натижасини ҳам тўғри топди ва жами 57 балл тўплаб, Ucell савдо белгиси томонидан тақдим этилган Android One General Mobile смартфонини қўлга киритадиган бўлди.
Акция якунларига кўра, 998911xxx142 ва 998979xxx525 телефон рақами соҳиблари бир хил — 55 баллдан тўплаб, 3-ўрин ва Ucell савдо белгиси томонидан тақдим этилган Huawei Y360 смартфони учун бир хил имконият ҳосил қилди. Амалдаги қоидаларга кўра, бундай вазиятда совриндор www.random.org тасодифий танлов генератори ёрдамида аниқланади. Шу муносабат билан, 12 июль, сешанба куни қўшма акциянинг 3-ўрин соҳибини аниқлаш мақсадида тасодифий танлов генераторида қуръа ташланади ва ким совриндор бўлгани ҳақида шу куни қўшимча ахборот берилади.
«Дарё» интернет-нашри ва Ucell савдо белгиси «Евро—2016» акциясида иштирок этган барча футбол мухлисларига миннатдорчилик билдиради, ғолиб ва совриндорларни акциядаги муваффақиятли иштирок билан чин кўнгилдан табриклайди.
Соврин эгасига айланган ғолиблар кейинги 5 кун ичида info@simple.uz электрон почта манзили орқали акция ташкилотчиларига хабар йўллаб, боғланишлари сўралади. Маълумот учун, «Евро—2016» қўшма акцияси шартлари ва қоидаларига мувофиқ, совринлар акция якунлари эълон қилинганидан кейинги 30 кун давомида тақдим этилади, ғолибларга совринларни топшириш жойи ва вақти ҳақида қўшимча ахборот берилади.
Изоҳ (0)