БМТ бош котиби Пан Ги Мун Далласдаги митингда полициячилар ўлдирилганини қоралади ва бундай зўравонлик ҳаракатларини «ҳеч ҳам оқлаб бўлмаслиги»ни таъкидлади, деб ёзади «ТАСС».
Баёнотда айтилишича, Далласдаги отишма ҳамда тартиб посбонлари томонидан қора танлиларнинг ўлдирилиши Америка жамоатчилигида ирқий камситиш муаммоларини комплексли тарзда ҳал қилиш зарурияти борлигидан дарак беради.
«Ушбу қотилликлар пухта ва холис текширув предметига айланиши керак. Улар яна бир бора ирқий дискриминация муаммолари, жумладан, ҳуқуқ-тартибот фаолиятидаги ирқий тенгсизлик муаммосига умумий ечим топиш заририятига эътиборни тортмоқда», — дейилади баёнотда.
Пан Ги Мун қурбонлар оилалари ва ҳамкасбларига, шунингдек, Даллас полиция бошқармасига ҳамдардлик изҳор этди.
Изоҳ (0)