Rossiyadan boshpana so‘rab olgan Edvard Snouden o‘z Twitter’ida “Putin nafaqat inson huquqlarini buzadigan, balki aqlga to‘g‘ri kelmaydigan repressiv qonunni imzolagani” haqida yozdi, deya xabar bermoqda “RBK”.
Amerikalik qayd etishicha, siyosiy va konstitutsiyaviy oqibatlaridan tashqari, “Yarovaya qonuni” internetga solingan 33 milliard dollarlik soliq hamdir.
“Mendan o‘z tanqidim uchun jazo olishdan hayiqish-hayiqmasligim haqida so‘rashadi. Hayiqaman. Ammo bu menga Oq uyni tanqid qilishga xalal bermadi, bu yerda ham men tanqid qilishdan to‘xtamayman”, — deb yozdi Snouden.
Avvalroq u Irina Yarovayaning “aksilterror paketi”ni imzolamaslikka chaqirgan edi. AQSh Milliy xavfsizlik agentligi sobiq xodimi Edvard Snouden fikricha, Davlat dumasi tomonidan qabul qilingan tuzatishlar “ish bermaydi va asossiz ravishda inson huquqlarini buzadi”.
24-iyun kuni Rossiya Davlat dumasi deputat Irina Yarovaya va senator Viktor Ozerov tomonidan kiritilgan aksilterror qonun loyihasini ikkinchi va uchinchi o‘qishda qabul qildi. Ushbu loyiha axborot tarqatish tashkilotchilarini ma’lumotlar shifrlangan taqdirda maxsus xizmatlarga ularni o‘qish imkonini beruvchi manbalarni taqdim etish majburiyatini yuklaydi. Bundan bosh tortilgan taqdirda 1 million rublgacha jarima ko‘zda tutilgan.
7-iyul kuni esa Putin ushbu “aksilterror paketi”ni imzoladi.
Izoh (0)