8-iyul, juma kuni AQShda dallaslik besh politsiyachi o‘ldirilishi munosabati bilan motam e’lon qilindi, deb yozadi “RBK”. AQSh prezidenti Barak Obama hujum qurbonlariga hurmat belgisi sifatida mamlakatda davlat bayroqlarini tushirib qo‘yishni buyurdi.
Oq uy va barcha hukumat binolari, shuningdek, harbiy obyektlarga o‘rnatilgan bayroqlar 12-iyulgacha tushirilgan holda qoladi.
7-iyul kuni Dallasda politsiya zo‘ravonligiga qarshi norozilik harakatida snayperlar politsiya xodimlariga qarata o‘t ochdi, natijada to‘rt politsiyachi va temir yo‘l xizmati ofitseri halok bo‘ldi, yana yetti kishi yaralandi. Politsiya uch nafar gumonlanuvchini qo‘lga oldi, to‘rtinchisi esa huquq-tartibot organlari xodimlari tomonidan portlatib yuborildi.
Izoh (0)