Xalqaro olimpiya qo‘mitasi (XOQ) prezidenti Tomas Bax Rossiya terma jamoasini yoppasiga 2016-yilgi Olimpiada o‘yinlaridan chetlatish adolatsizlik bo‘lishini bildirdi. Bunga Butundunyo aksildoping agentligining (WADA) Richard Maklaren raisligidagi komissiyasi tomonidan Sochi Olimpiadasida doping qo‘llanishi bilan bog‘liq ayblovlar sabab bo‘lishi mumkin, deya xabar beradi “TASS”.
“Tekshiruv faqat 2014-yili Sochida bo‘lib o‘tgan qishki Olimpiadaga tegishli. Rossiya terma jamoasini Rio-de-Janeyrodagi o‘yinlardan chetlatish adolatsizlik bo‘ladi”, — deya ta’kidladi XOQ prezidenti.
Rossiya sport vaziri Vitaliy Mutkoga ko‘ra, Maklaren boshchiligidagi komissiyaning Sochi Olimpiadasi bo‘yicha hisoboti 15—18-iyul kunlari e’lon qilinadi. Vazir Rossiya terma jamoasi Rio-de-Janeyrodagi o‘yinlardan yoppasiga chetlatilsa iste’fo berishini ma’lum qildi.
Izoh (0)