O‘zbekiston Prezidentini Hayit bilan tabriklagan Obama, Dallasdagi otishma, Sirg‘alida yongan avtobus va kunning boshqa muhim yangiliklari

8-iyulning e’tiborga molik xabarlari — “Daryo”ning kechki dayjestida.

1. Barak Obama Islom Karimovni Ramazon hayiti bilan qutladi. O‘zbekiston Prezidentini Hayit bilan tabriklaganlar orasida Saudiya podshohi va Eron prezidenti ham bor.

2. Islom Karimov Qozog‘iston BMT Xavfsizlik kengashiga saylangani munosabati bilan Nursulton Nazarboyevga tabrik yo‘lladi. Avvalroq Qozog‘iston BMT Xavfsizlik kengashining 2017—2018-yillardagi doimiy bo‘lmagan a’zosi etib saylangani haqida xabar berilgan edi.

3. Dallasdagi otishmadan so‘ng halok bo‘lgan politsiyachilar soni besh nafarga yetdi. Butunlay teskari xabar: AQSh politsiyachilari yarim yil davomida salkam 500 kishini otib o‘ldirgan.

4. Sirg‘ali tumanida Mercedes-Benz Conecto avtobusi yonib ketdi. Iyun oyida ham Toshkent shahrining Oltin tepa ko‘chasida Mercedes-Benz Conecto avtobusi yonib ketgan edi.

5. “O‘zbekiston havo yo‘llari” Toshkent—Mayami reysining yangi tarifini e’lon qildi. Parvozlar Rim orqali, Alitalia aviakompaniyasi bilan hamkorlikda amalga oshiriladi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.