Ўзбекистон Президентини Ҳайит билан табриклаган Обама, Далласдаги отишма, Сирғалида ёнган автобус ва куннинг бошқа муҳим янгиликлари

8 июлнинг эътиборга молик хабарлари — «Дарё»нинг кечки дайжестида.

1. Барак Обама Ислом Каримовни Рамазон ҳайити билан қутлади. Ўзбекистон Президентини Ҳайит билан табриклаганлар орасида Саудия подшоҳи ва Эрон президенти ҳам бор.

2. Ислом Каримов Қозоғистон БМТ Хавфсизлик кенгашига сайлангани муносабати билан Нурсултон Назарбоевга табрик йўллади. Аввалроқ Қозоғистон БМТ Хавфсизлик кенгашининг 2017—2018 йиллардаги доимий бўлмаган аъзоси этиб сайлангани ҳақида хабар берилган эди.

3. Далласдаги отишмадан сўнг ҳалок бўлган полициячилар сони беш нафарга етди. Бутунлай тескари хабар: АҚШ полициячилари ярим йил давомида салкам 500 кишини отиб ўлдирган.

4. Сирғали туманида Mercedes-Benz Conecto автобуси ёниб кетди. Июнь ойида ҳам Тошкент шаҳрининг Олтин тепа кўчасида Mercedes-Benz Conecto автобуси ёниб кетган эди.

5. «Ўзбекистон ҳаво йўллари» Тошкент—Майами рейсининг янги тарифини эълон қилди. Парвозлар Рим орқали, Alitalia авиакомпанияси билан ҳамкорликда амалга оширилади.

Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.