O‘zbekistonda 9-iyul, shanba kuni yog‘ingarchilik kutilmaydi, havo harorati avvalgi kunlarga nisbatan issiqroq bo‘lishi kutilmoqda. Bu haqda “O‘zgidromet” markazi xabar bermoqda.
Xabar berishlaricha, 9-iyulga o‘tar kechasi O‘zbekistonning tog‘li hududlarida havo harorati +13...+18 daraja, Toshkent shahrida +21...+23 daraja, qolgan hududlarda esa +20...+27 darajagacha iliq bo‘ladi.
Shanba kuni kunduzi tog‘li joylarda havo harorati +25...+30 daraja, Toshkent shahrida +37...+39 daraja issiq bo‘lishi kutilmoqda.
Qoraqalpog‘iston Respublikasi, Xorazm, Toshkent, Samarqand, Jizzax, Sirdaryo, Andijon, Namangan va Farg‘ona viloyatlarida 9-iyul kuni kunduzi harorat +35...+40 darajagacha, Buxoro, Navoiy, Qashqadaryo va Surxondaryo viloyatlarida esa +37...+42 darajagacha issiq bo‘ladi.
Ma’lumot uchun, Toshkent shahrida 7-iyul kuni havo harorati +37 darajagacha, 8-iyul kuni esa +38 darajagacha ko‘tarilishi mumkinligi haqida xabar berilgan edi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)