Рио—2016 ташкилий қўмитаси ўз сайтида 5—21 август кунлари Бразилиянинг Рио-де-Жанейро шаҳрида бўлиб ўтадиган XXXI ёзги Олимпиада ўйинлари расмий таронаси видеоклипини жойлаштирди. «Юрак ва қалб» деб номланган қўшиқни бразилиялик Тиагинью ва Прожота дуэт тариқасида ижро этди, дея хабар беради «ТАСС».
Қўшиқ мусиқаси пагодэ (самба турларидан бири) ва рэп қоришмасидан иборат. Бу эса, муаллифлар фикрига кўра, анъанавий ҳамда замонавий оҳанглар мутаносиблигини англатади. Унинг матнидан қийинчиликлар қаршисида енгилмасликка даъват ўрин олган.
Композицияга ишланган видеоклипда Рио-де-Жанейронинг машҳур кўринишлари, Олимпиада спорт объектлари, шунингдек, ёш спортчилар машғулотларидан лавҳалар акс этган.
Изоҳ (0)