Xitoy sudi mamlakatning sobiq raisi Xu Szintao huzurida katta yordamchi bo‘lib ishlagan Lin Szixuani umrbod qamoq jazosiga hukm qildi. Bu haqda, Bloomberg agentligiga asoslanib, “Interfaks” xabar bermoqda.
Sobiq amaldor poraxo‘rlik, davlat siri bo‘lgan ma’lumotlarni noqonuniy to‘plash, mansabini suiiste’mol qilishda aybdor deb topildi.
Sud majlisi 7-iyun kuni maxfiy tarzda o‘tkazildi, negaki ayblovlar davlat siri bo‘lgan ma’lumotlarga daxldor edi.
Sudlanuvchi aybini tan oldi.
59 yoshli Lin Szixua 2012-yilda o‘g‘li avtohalokatda o‘lganidan so‘ng hukumat ta’qibiga uchradi. Politsiya yigit Ferrari 458 Spider mashinasida ikki qiz bilan ketayotganini aniqladi. Qizlar omon qoldi. Mashina ichidagilarning bari yalang‘och edi.
Shundan so‘ng Lin Szixua sekin-asta mansab pog‘onalaridan tushirib borildi, 2015-yilning iyulida esa hibsga olindi.
Izoh (0)