Хитой суди мамлакатнинг собиқ раиси Ху Цинтао ҳузурида катта ёрдамчи бўлиб ишлаган Лин Сзихуани умрбод қамоқ жазосига ҳукм қилди. Бу ҳақда, Bloomberg агентлигига асосланиб, «Интерфакс» хабар бермоқда.
Собиқ амалдор порахўрлик, давлат сири бўлган маълумотларни ноқонуний тўплаш, мансабини суиистеъмол қилишда айбдор деб топилди.
Суд мажлиси 7 июнь куни махфий тарзда ўтказилди, негаки айбловлар давлат сири бўлган маълумотларга дахлдор эди.
Судланувчи айбини тан олди.
59 ёшли Лин Сзихуа 2012 йилда ўғли автоҳалокатда ўлганидан сўнг ҳукумат таъқибига учради. Полиция йигит Ferrari 458 Spider машинасида икки қиз билан кетаётганини аниқлади. Қизлар омон қолди. Машина ичидагиларнинг бари яланғоч эди.
Шундан сўнг Лин Сзихуа секин-аста мансаб поғоналаридан тушириб борилди, 2015 йилнинг июлида эса ҳибсга олинди.
Изоҳ (0)