“Milliy front” yetakchisi Marin Le Pen Buyuk Britaniya Yevropa Ittifoqidan chiqishini ma’qulladi va Fransiyada ham shunday referendum o‘tkazishga chaqirdi. Bu haqda “RBK” xabar bermoqda.
“Bu ozodlik g‘alabasi. Endi biz ham, men ko‘p yillardan beri talab qilayotgandek, Fransiyada shunday referendum o‘tkazishimiz lozim”, — deya yozgan u Twitter’dagi sahifasida.
23-iyun, payshanba kuni Birlashgan Qirollikda mamlakatning Yevropa Ittifoqiga a’zoligi masalasida referendum bo‘lib o‘tdi. Yevroittifoqdan chiqish uchun britaniyaliklarning qariyb 52 foizi ovoz berdi, aholining 48 foizi bunga qarshi chiqdi.
Eslatib o‘tamiz, Buyuk Britaniya bosh vaziri Devid Kemeron referendum yakunlari ma’lum bo‘lganidan so‘ng iste’foga chiqishini ma’lum qildi.
Izoh (0)