«Миллий фронт» етакчиси Марин Ле Пен Буюк Британия Европа Иттифоқидан чиқишини маъқуллади ва Францияда ҳам шундай референдум ўтказишга чақирди. Бу ҳақда «РБК» хабар бермоқда.
«Бу озодлик ғалабаси. Энди биз ҳам, мен кўп йиллардан бери талаб қилаётгандек, Францияда шундай референдум ўтказишимиз лозим», — дея ёзган у Twitter’даги саҳифасида.
23 июнь, пайшанба куни Бирлашган Қиролликда мамлакатнинг Европа Иттифоқига аъзолиги масаласида референдум бўлиб ўтди. Евроиттифоқдан чиқиш учун британияликларнинг қарийб 52 фоизи овоз берди, аҳолининг 48 фоизи бунга қарши чиқди.
Эслатиб ўтамиз, Буюк Британия бош вазири Дэвид Кэмерон референдум якунлари маълум бўлганидан сўнг истеъфога чиқишини маълум қилди.
Изоҳ (0)