Jazirama yozda yo qahraton qishda mashina sotib olish uchun endi Sergeliga borish shart emas — smartfonga Telegram’ni o‘rnating va @AvtoBor_Bot’ni topib, o‘zingizga kerakli avtomobilni shu yerdan izlab toping!
O‘z xizmatlarini mukammallashtirishdan to‘xtamaydigan aqlli “Avtobor.uz” avtomobil izlash xizmati bir muddat avval servisning Android va iOS qurilmalar uchun mo‘ljallangan mobil dasturlari chiqargan edi. Endi esa o‘zbekistonlik internet foydalanuvchilar kun-u tun “yashayotgan” eng jonli messenjer — Telegram’da servisning aqlli boti paydo bo‘ldi.
@AvtoBor_Bot sotuvga qo‘yilgan yoki ijaraga berilayotgan yengil avtomobillar bo‘yicha eng so‘nggi e’lonlarni osonlik bilan topish imkonini beruvchi qulay yordamchidir. /start buyrug‘ini kiritib, bot bilan muloqotni boshlashingiz bilan, u sizga sotilayotgan, ijaraga berilayotgan va sotib olish sharti bilan ijaraga berilayotgan avtomobillarning e’lonlari bilan tanishishni tavsiya qiladi. Botning qulayligi — siz hech bir vaziyatda klaviatura orqali biror buyruq yo belgi kiritmaysiz, aksincha, bot e’tiboringizga havola qilayotgan tugmalarni bosasiz.
Keling, @AvtoBor_Bot yordamida birorta mashina “sotib olamiz”. “Sotuv” bo‘limiga o‘tib, u yerda 18 xil turdagi avtomarkadan birini tanlaymiz. Bizga Matiz kerak, shuning uchun 1 tugmasini bosib, Chevrolet’ni tanlaymiz. Shundan so‘ng yangi tugmalar chiqadi va u yerdan markaning modeli (Matiz)ni, bundan tashqari, biz uchun maqbul narx, ishlab chiqarilgan yil kabi ko‘rsatkichlarni kiritamiz.
Oxirida “Ko‘rsatish” tugmasini bosishimiz bilan bot “Avtobor.uz” saytidagi bizning so‘rovimizga mos e’lonlarni chiqarib beradi. So‘rov natijalarida asosiy ma’lumotlar — avtomobil modeli, narxi, yurgan masofasi va ishlab chiqarilgan yilidan tashqari, “Avtobor.uz” saytiga havola ham bo‘ladi. Xaridor mazkur havoladan o‘tib, sotuvchining aloqa ma’lumotlarini olishi mumkin.
@AvtoBor_Bot ikki tilda — o‘zbek va rus tillarida “muloqot qilishni biladi”. Botning “Sozlashlar” bo‘limiga o‘tib, bot ko‘rsatadigan e’lonlar sonini boshqarish (bot bir safarning o‘zida 5 tadan 20 tagacha e’lon ko‘rsata oladi), shuningdek, so‘rov (bizning holatimizda — ma’lum bir narxli Chevrolet Matiz) bo‘yicha eng yangi e’lonlarga obuna bo‘lish mumkin — sizga maqbul e’lon “Avtobor.uz”ga qo‘shilishi bilan, @AvtoBor_Bot sizga bu haqda xabar beradi.
Avtomobillarni aql bilan izlang — @AvtoBor_Bot’ga ulaning!
Reklama huquqi asosida
Izoh (0)