Davlat rahbarlarining 10 ta eng qimmatbaho avtomobili (foto)

Novate dunyoning turli mamlakatlari rahbarlari foydalanadigan eng qimmat avtomobillar reytingini e’lon qildi.

1. Mercedes-Benz S600

Hindiston bosh vaziri Narendra Modi davlat ahamiyatiga ishlar bo‘yicha yugur-yugurlar uchun Mercedes-Benz S600 avtomobilini ishlatadi. Uning narxi 180 ming dollarni tashkil etadi. Mashina chuqur modifikatsiyadan o‘tgan, xususan, uning himoyalanganlik darajasi oshirilgan.

2. Mercedes-Benz W221

Filippinning amaldagi prezidenti Benigmo Akino III davlat ehtiyojlari uchun Mercedes-Benz W221’dan foydalanadi, uning qiymati 250 ming dollarga teng. Avtomobil eng yaxshi dvigatelldan biri, shuningdek, noyob g‘ildiraklar va baquvvat tormozlar bilan jihozlangan.

3. Mercedes S-Class Limousine

Rossiya prezidenti Vladimir Putin 2014-yildan boshlab, shunday avtomobilda yuradi. U 251 ming dollar turadi. Mashinaning himoya tizimi, xususan, uning zirh uslubi alohida loyiha bo‘yicha amalga oshirilgan.

4. Maybach 62

Malayziya bosh vaziri Najib Tun Razzoq 394 ming dollarlik avtomobilda harakatlanadi. Uning zirhlanganlik darajasi og‘ir tanknikidan ortiqroq, deyish mumkin.

5. Jaguar XJ Sentinel

Buyuk Britaniya bosh vaziri Devid Kemeron shunday “sipo” avtomobildan foydalanadi. 455 ming dollarlik mashinaning ishonchliligi va qulayligiga havas qilsa arziydi.

6. Maybach 62 Limousine

500 ming dollarlik ushbu avtomobildan Tailand qiroli Pxumipon Adulyadet foydalanadi. Mazkur premium avtomobil boshqalaridan juda ko‘p sonli ko‘ngilochar vositalari bilan farqlanadi.

7. Mercedes-Benz M-Class

Ushbu avtomobilga ortiqcha ta’rif berishga hojat yo‘q. Bu Rim papalarining avtomobillaridan biri. Ba’zi bir shaffoflikka qaramay, bu mashina hayratlanarli darajada yaxshi himoyalangan. Bunday mashinadan bittasi 524 ming dollarga tushadi.

8. Hongqi Limousine

Xitoy Xalq Respublikasi raisi Si Szinpin davlat ishlari uchun shu avtomobildan foydalanadi. U dunyodagi eng yaxshi himoyalangan va, shu bilan birga, eng qimmatbaho mashinalardan biridir. Uning narxi 801 ming dollarga teng.

9. Cadillac One

AQSh prezidentlari qo‘lda yig‘ilgan va individual loyihaga ko‘ra yaratilgan Cadillac One avtomobilidan foydalandi, uning narxi 1,5 million dollarni tashkil qiladi.

10. Bentley State Limousine

Buyuk Britaniyadagi qirollik oilasi, xususan, qirolicha Yelizaveta II davlat ehtiyojlari uchun shunday avtomobilni ishlatadi. Uning narxi 1,51 million dollarga teng.