Toshkentning Aviasozlar shaharchasidagi temiryo‘l kesishmasida militsiya mashinasi shlagbaumning ko‘tarilishini yo‘lning qarama-qarshi tomoniga chiqqan holda kutib turdi. Bu haqda Facebook’dagi “Voditeli Tashkenta” guruhida xabar qoldirilgan.
Fotosurat aynan qachon va qayerda olinganiga aniqlik kiritilmagan. Suratda militsiya mashinasining davlat raqam belgisi ko‘rinmagan, ustidagi miltillovchi ko‘k va qizil chiroqlari yoniq turgani sezilmaydi.
Ma’lumot uchun, Ma’muriy javobgarlik to‘g‘risidagi kodeksning 130-moddasi 1-qismiga muvofiq, haydovchilarning temiryo‘l o‘tish joylaridan o‘tish qoidalarini buzishi eng kam ish haqining uch baravari (5-iyun holatiga ko‘ra — 390 720 so‘m) miqdorida jarima solinishiga sabab bo‘ladi.
Izoh (0)