Жазирама ёзда ё қаҳратон қишда машина сотиб олиш учун энди Сергелига бориш шарт эмас — смартфонга Telegram’ни ўрнатинг ва @AvtoBor_Bot’ни топиб, ўзингизга керакли автомобилни шу ердан излаб топинг!
Ўз хизматларини мукаммаллаштиришдан тўхтамайдиган ақлли «Avtobor.uz» автомобиль излаш хизмати бир муддат аввал сервиснинг Android ва iOS қурилмалар учун мўлжалланган мобил дастурлари чиқарган эди. Энди эса ўзбекистонлик интернет фойдаланувчилар кун-у тун «яшаётган» энг жонли мессенжер — Telegram’да сервиснинг ақлли боти пайдо бўлди.
@AvtoBor_Bot сотувга қўйилган ёки ижарага берилаётган енгил автомобиллар бўйича энг сўнгги эълонларни осонлик билан топиш имконини берувчи қулай ёрдамчидир. /start буйруғини киритиб, бот билан мулоқотни бошлашингиз билан, у сизга сотилаётган, ижарага берилаётган ва сотиб олиш шарти билан ижарага берилаётган автомобилларнинг эълонлари билан танишишни тавсия қилади. Ботнинг қулайлиги — сиз ҳеч бир вазиятда клавиатура орқали бирор буйруқ ё белги киритмайсиз, аксинча, бот эътиборингизга ҳавола қилаётган тугмаларни босасиз.
Келинг, @AvtoBor_Bot ёрдамида бирорта машина «сотиб оламиз». «Сотув» бўлимига ўтиб, у ерда 18 хил турдаги автомаркадан бирини танлаймиз. Бизга Matiz керак, шунинг учун 1 тугмасини босиб, Chevrolet’ни танлаймиз. Шундан сўнг янги тугмалар чиқади ва у ердан марканинг модели (Matiz)ни, бундан ташқари, биз учун мақбул нарх, ишлаб чиқарилган йил каби кўрсаткичларни киритамиз.
Охирида «Кўрсатиш» тугмасини босишимиз билан бот «Avtobor.uz» сайтидаги бизнинг сўровимизга мос эълонларни чиқариб беради. Сўров натижаларида асосий маълумотлар — автомобиль модели, нархи, юрган масофаси ва ишлаб чиқарилган йилидан ташқари, «Avtobor.uz» сайтига ҳавола ҳам бўлади. Харидор мазкур ҳаволадан ўтиб, сотувчининг алоқа маълумотларини олиши мумкин.
@AvtoBor_Bot икки тилда — ўзбек ва рус тилларида «мулоқот қилишни билади». Ботнинг «Созлашлар» бўлимига ўтиб, бот кўрсатадиган эълонлар сонини бошқариш (бот бир сафарнинг ўзида 5 тадан 20 тагача эълон кўрсата олади), шунингдек, сўров (бизнинг ҳолатимизда — маълум бир нархли Chevrolet Matiz) бўйича энг янги эълонларга обуна бўлиш мумкин — сизга мақбул эълон «Avtobor.uz»га қўшилиши билан, @AvtoBor_Bot сизга бу ҳақда хабар беради.
Автомобильларни ақл билан изланг — @AvtoBor_Bot’га уланинг!
Reklama huquqi asosida
Изоҳ (0)