O‘zbekistonda 20-iyun kuni UzCard Banklararo to‘lov tizimi terminallari tarmog‘ida UnionPay kartalarini qabul qilish bo‘yicha loyiha ishga tushdi, deb yozadi UzDaily.
Ushbu loyiha ishga tushishi natijasida 190 mingdan ortiq savdo-servis korxonalari punktlaridan iborat UzCard keng tarmog‘ida UnionPay kartalaridan foydalanish imkoniyati yuzaga keladi.
Loyiha doirasida UzCard bazasida ushbu sohaning barcha hozirgi talablariga javob beruvchi protsessing markazining zamonaviy texnologik platformasi yaratildi.
Protsessing tizimi kelajakda boshqa xalqaro to‘lov tizimlari bilan integratsiyani ta’minlash imkonini beruvchi PCI-DSS sertifikatini qo‘lga kiritdi.
Avvalroq Yagona umumrespublika protsessing markazi Toshkentdagi savdo va servis korxonalarida UnionPay xalqaro kartochkalari ekvayringini (tovar va xizmatlar uchun to‘lov vositasi sifatida qabul qilish) ishga tushirgan edi.
Izoh (0)