Rossiya havo-kosmik kuchlari samolyotlari Iordaniya bilan chegara hududida AQSh tomonidan qo‘llab-quvvatlanib, “Suriya muxolifati” deb ataluvchi qurolli qismlarga zarbalar berdi, deb yozadi “Vedomosti”. Bu haqda CNN Pentagondagi manbalariga tayanib xabar bergan. Zarbalar natijasida bir necha insurgent (isyonchi) halok bo‘ldi.
AQSh HHK bombardimonlar hududiga o‘zlarining FA-18 qiruvchilarini yubordi, ularning uchuvchilari maxsus o‘rnatilgan kanallar bo‘yicha rossiyalik uchuvchilar bilan bog‘lanishga urindi, ammo bu muvaffaqiyatsiz kechdi.
Amerika qiruvchilari yoqilg‘i quydirish uchun bazaga qayta boshlaganida, Rossiya harbiy-kosmik kuchlari aviatsiyasi ortiga qaytib, insurgentlarga zarba berishni davom ettirgan. Bombardimonlarni Latakiyadagi bazadan uchib chiqqan Su-24 samolyotlari amalga oshirgan.
“Rossiya samolyotlari al-Tanaf tumanida IShIDga qarshi faoliyat olib boruvchi Suriya kuchlariga ketma-ket aviazarbalar berdi, ular orasida AQSh ko‘mak berayotgan insurgentlar ham bor edi… Rossiyaning so‘nggi xatti-harakatlari uning niyatlari haqida jiddiy xavotirni keltirib chiqaradi. Biz Rossiyadan bu nima uchun sodir bo‘lganini tushuntirib berishini va bu boshqa takrorlanmasligiga kafolat berishini talab qilamiz”, — dedi yuqori mansabli harbiy CNN’ga bergan intervyusida.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)