Qohira jinoiy sudi Misr sobiq prezidenti Muhammad Mursiyni Qatar foydasiga josuslikda ayblab, umrbod qamoq jazosiga hukm qildi. Bu haqda “Vedomosti” xabar bermoqda.
“Musulmon birodarlar” uyushmasi bilan bog‘liq bo‘lgan Mursiy 2013-yil 3-iyulda hokimiyatdan chetlatildi va hibsga olindi. Unga mamlakat fuqarolari o‘limiga olib kelgan harakatlar, 25-yanvar inqilobi chog‘ida qamoqdan qochish va boshqa ayblovlar qo‘yildi. 2014-yil avgustida esa Misr rasmiylari Mursiyga nisbatan Qatar foydasiga josuslik ishi bo‘yicha tekshiruv boshlanganini e’lon qildi.
Tergov ma’lumotlariga ko‘ra, Mursiy Dohaga davlat siri bo‘lgan hujjatlarni yetkazib bergan, aloqa manbasi sifatida esa Qatarning Al Jazeera telekanalidan foydalangan. Sobiq prezidentdan tashqari yana 10 kishi mazkur jinoiy ish qatnashchisi hisoblanadi.
Izoh (0)