Hindiston harbiy-havo kuchlari tarixida ilk bor jangovar qiruvchi samolyotlarni boshqarish ayol uchuvchilarga ishonib topshirildi. 18-iyun, shanba kuni aviatsiya akademiyasining uch nafar kursanti HHK uchuvchilari tarkibiga kiritildi, deya xabar beradi “TASS”.
Qizlarning har biri 150 soatdan uchib, birinchi bosqichdan muvaffaqiyatli o‘tdi. Endi ular zobit sifatida yarim yil davomida Hawk o‘quv-mashg‘ulot samolyotlarida malakasini oshiradi, so‘ng jangovar havo kemalariga ega bo‘ladi va eskadrilyalarga taqsimlanadi.
Ayollar 2010-yilda Hindiston quruqlikdagi qo‘shinlari va HHKda to‘laqonli xizmat qilish huquqnini qo‘lga kiritdi. Hozirgi kunda HHKda 1,5 ming nafar ayol, jumladan, 94 nafar uchuvchi xizmat qilmoqda. Biroq shu paytgacha ularning hech biri qiruvchi samolyotni boshqarmagandi.
Izoh (0)