14-iyun, seshanba kuni Vyetnam harbiy-havo kuchlarining Janubiy Xitoy dengiziga qulagan Su-30 qiruvchi samolyotining ikki uchuvchisidan biri katapulta qilib tirik qoldi, deb yozadi “RIA Novosti”. 15-iyun, chorshanba kuni ertalab uni baliqchi kema suvdan qutqarib oldi.
Yalpi qidiruv-qutqaruv operatsiyasida qatnashgan baliqchi kema Vyetnam HHK mayori Nguyen Xiu Kongni Toshkent vaqti bilan 02:30 da bortga chiqarib olgan. Qulayotgan samolyotdan katapulta qilib, qariyb bir sutka davomida suvda qolgan uchuvchining ahvoli joyida, deb yozadi nashr.
Su-30 ning yana bir uchuvchisi, podpolkovnik Tran Kuang Kxayni qidirish ishlari davom etmoqda. Qutqaruv operatsiyasida 50 dan ortiq kema qatnashmoqda.
Samolyot bilan aloqa 14-iyun kuni Toshkent vaqti bilan 05:30 da mashq parvozi chog‘ida yo‘qolgan, u kuchli shamol sharoitida Janubiy Xitoy dengizi osmonida bo‘lib o‘tayotgan edi.
Izoh (0)