14 июнь, сешанба куни Вьетнам ҳарбий-ҳаво кучларининг Жанубий Хитой денгизига қулаган Су-30 қирувчи самолётининг икки учувчисидан бири катапульта қилиб тирик қолди, деб ёзади «РИА Новости». 15 июнь, чоршанба куни эрталаб уни балиқчи кема сувдан қутқариб олди.
Ялпи қидирув-қутқарув операциясида қатнашган балиқчи кема Вьетнам ҲҲК майори Нгуен Хиу Конгни Тошкент вақти билан 02:30 да бортга чиқариб олган. Қулаётган самолётдан катапульта қилиб, қарийб бир сутка давомида сувда қолган учувчининг аҳволи жойида, деб ёзади нашр.
Су-30 нинг яна бир учувчиси, подполковник Тран Куанг Кхайни қидириш ишлари давом этмоқда. Қутқарув операциясида 50 дан ортиқ кема қатнашмоқда.
Самолёт билан алоқа 14 июнь куни Тошкент вақти билан 05:30 да машқ парвози чоғида йўқолган, у кучли шамол шароитида Жанубий Хитой денгизи осмонида бўлиб ўтаётган эди.
Изоҳ (0)