Fransiyada davom etayotgan futbol bo‘yicha Yevro—2016 musobaqasining “D” guruhida 1-tur bellashuvlari yakunlandi.
Yevroning amaldagi chempioni hisoblangan Ispaniya terma jamoasi 2016-yilgi turnirni Chexiya ustidan qozonilgan g‘alaba bilan boshladi. O‘yindagi yagona gol 87-daqiqaga kelib “Barselona” himoyachisi Pike tomonidan kiritildi. Unga pas Andres Inyesta tomonidan yetkazib berildi.
Ispaniya terma jamoasining hujum chizig‘ida avvaliga Nolito va Alvaro Morata harakat qildi. Ikkinchi bo‘limda esa Arits Aduris hamda Pedro Rodriges maydonga tushdi. Bu futbolchilarning birortasiga ham gol urish nasib qilmadi. Qayd etish kerak, 35 yoshni qarshi olgan “Atletik” hujumchisi Arits Aduris Yevropa Chempionatida o‘zining debyut uchrashuvini o‘tkazdi.
“D” guruhi 1-turining ilk o‘yinida Xorvatiya terma jamoasi “Real” a’zosi Luka Modrichning goli evaziga Turkiyani taslim qilgandi.
Mazkur zonada 2-tur o‘yinlari 17-iyun kuni bo‘lib o‘tadi. Unda Ispaniya Turkiyani imtixon qilsa, Chexiya va Xorvatiya termalari o‘zaro kurash olib boradi.
[wpse_match id="351134" show_title=1]
Izoh (0)