Yevropa futbol assotsiatsiyalari uyushmasi (UEFA) Marseldagi tartibsizliklarni keskin qoraladi. Bu haqda tashkilot matbuot xizmati ma’lum qildi, deya xabar beradi “TASS”.
Angliya terma jamoasi muxlislari va mahalliy aholi o‘rtasidagi to‘qnashuvlar 9-iyun, payshanba kuni kechki payt boshlandi.
“UEFA Marseldagi hodisalarni keskin qoralaydi. Bunday zo‘ravonlik harakatlarida ishtirok etadigan kishilarga futbolda o‘rin yo‘q”, — deyiladi tashkilot bayonotida.
11-iyun, shanba kuni shahar sohilbo‘yida va eski port oldidagi maydonda ko‘pchiligi mast-alast bo‘lgan bir necha ming ingliz ishqibozlari yig‘ildi va ulardan bir guruhi politsiyachilarga shisha idishlar bilan tashlandi. Politsiyachilar bunga javoban tutun chiqaradigan shashkalar va ko‘zdan yosh oqizuvchi gaz qo‘lladi. Shuningdek, Rossiya va Angliya terma jamoalari fanatlari o‘rtasida to‘qnashuv yuzaga keldi, keyinchalik ular mahalliy aholi bilan mojaroga kirishdi.
BMF TV ma’lumotlariga ko‘ra, Marseldagi tartibsizliklar chog‘ida besh kishi yaralangan, olti kishi qamoqqa olingan.
Izoh (0)