“To‘liq yopilishi” rad etilgan Toshkent, Floridadagi tungi klubga hujum qilgan IShID, soqolini olib tashlamaydigan Messi va kunning boshqa muhim xabarlari

13-iyunning e’tiborga molik yangiliklari — “Daryo”ning kechki dayjestida.

1. Toshkentning “to‘liq yopilishi” kutilmayotgani ma’lum qilindi. Ayrim internet-nashrlarning O‘zbekiston poytaxtida 23—24-iyun kunlari Shanxay hamkorlik tashkiloti sammiti o‘tkazilishi munosabati bilan Toshkent “yopilishi” haqidagi xabarlari eng ko‘p muhokama etilayotgan mavzular qatoridan o‘rin oldi.

2. IShID Orlandodagi tungi klubga hujum uchun javobgarlikni o‘z bo‘yniga oldi. AQSh prezidenti Barak Obama 50 kishi qurbon bo‘lishi, 53 kishi jarohatlanishiga olib kelgan Orlandodagi Pulse tungi klubiga hujumni “terakt” deb baholadi.

3. Xitoy rahbari davlat tashrifi bilan O‘zbekistonga keladi. 23—24-iyun kunlari Xitoy yetakchisi Toshkentda Shanxay hamkorlik tashkiloti davlat rahbarlari kengashida ham ishtirok etadi.

4. Messi har qanday holatda ham soqolini olib tashlamasligini bildirdi. “Soqolimni har qanday holatda ham olib tashlamayman. Jamoadoshlarim bunga yo‘l qo‘ymaydi”, – dedi 28 yoshli futbolchi.

5. Yevro—2016 davom etadi: Ispaniya Chexiya ustidan 1:0 hisobida g‘alaba qozondi, oldinda esa bizni Irlandiya — Shvetsiya va Belgiya — Italiya uchrashuvlari kutib turibdi. O‘yinlarni “Daryo” matnli onlaynida kuzating.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.