Kaliforniyada Kremniy vodiysi asoschilaridan biri Tomas Perkins 84 yoshida vafot etdi. Bu haqda, Reuters agentligi ma’lumotiga tayanib, “RBK” xabar bermoqda.
1960-yillarda Perkins lazerlar ishlab chiqarish bilan shug‘ullanuvchi University Laboratories kompaniyasini tashkil etgan edi. Shu bilan bir paytda u Hewlett Packard kompaniyasining tadqiqot bo‘limida faoliyat olib bordi. 1972-yilda Perkins Kremniy vodiysining eng mashhur va omadli venchur firmasiga aylangan Kleiner & Perkins kompaniyasining asoschilaridan biri bo‘ldi.
U, shuningdek, Tandem Computers, Compaq Computer va LSI Logic kabi kompaniyalarni moliyalashtirish va rivojlantirishda asosiy rol o‘ynagan. U ko‘plab kompaniyalar, jumladan, Hewlett Packard’ning direktorlar kengashi tarkibiga kirgan.
Perkins 1998-yilda mashhur yozuvchi Daniela Stil bilan turmush qurgan edi.
Izoh (0)