Isroil mudofaa armiyasi Tel-Avivdagi teraktga javoban, 10-iyunga o‘tar kechasi Iordan daryosining G‘arbiy qirg‘og‘i va G‘azo sektoridagi Falastinga tegishli hududlarni yahudiylarning Shavuot bayrami tugagunicha vaqtinchalik qamal qilish rejimini kiritdi, deb yozadi “TASS”.
Falastin hududlarini qamal qilish rejimi 12-iyun, yakshanba kuni yarim tun — Shavuot bayrami tugagunicha amalda bo‘ladi. Falastinliklar uchun Isroilga kirish faqat gumanitar va tibbiy nuqtai nazarlardan ruxsat etilishi mumkin. Biroq dindorlar Quddusdagi Ibodatxona tog‘iga juma ibodati uchun qo‘yiladi.
Eslatib o‘tamiz, Isroilning Tel-Aviv shahrida 8-iyun, chorshanba kuni kechqurun terakt sodir bo‘ldi, natijada to‘rt kishi halok bo‘ldi, olti kishi yaralandi.
Izoh (0)