AQSh prezidentligiga asosiy da’vogarlar — demokrat Hillari Klinton va respublikachi Donald Trampning Twitter’dagi janjali AQSh sobiq davlat kotibi Klintonga retvitlar bo‘yicha rekord o‘rnatish imkonini berdi, deb yozadi “Gazeta.ru”.
Ta’kidlanishicha, servis foydalanuvchilari Klintonning xabarini birinchi soat davomida 130 ming marta qayta yuborgan. Ushbu post Klintonning butun saylovoldi kampaniyasi davomidagi eng ommabopi bo‘ldi.
Tramp va Klinton o‘rtasidagi dahanaki jang AQSh prezidenti Barak Obama Klintonni qo‘llab-quvvatlashini bildirgach, boshlangan edi. Shundan so‘ng Tramp o‘z Twitter’ida: “Obama hozirgina qonunga rioya qilmaydigan Klintonni qo‘llab-quvvatladi. U yana to‘rt yil ‘obamachasiga’ o‘tishini istayapti, ammo buni boshqa hech kim xohlamaydi!” — deb yozdi. Hillari Klinton esa milliarderga: “Akkauntingni o‘chirib tashla”, — deb javob berdi.
Izoh (0)