Szyansi (Sharqiy Xitoy) va Xubey (Markaziy Xitoy) provinsiyalari rasmiylari kuchli yomg‘irlar keltirib chiqargan toshqinlar tufayli 4,6 mingdan oshiq kishini evakuatsiya qildi. Yuz minglab kishi moddiy zarar ko‘rdi. Bu haqda “TASS” xabar bermoqda.
Szyansida bir kishi halok bo‘ldi, 1,8 ming kishi xavfsiz joyga ko‘chirildi. Xubeyda esa 2,8 mingdan ortiq kishi evakuatsiya qilindi. Provinsiyada 26 ming gektarga yaqin ekin maydoni suv ostida qoldi, rasmiylar ko‘rilgan zararni 400 million yuan (60,74 million dollar)ga baholadi.
Mamlakat janubi-g‘arbidagi Chunsin megapolisida shiddatli yomg‘irlar sababli 381 ming kishi moddiy jabr ko‘rdi. Mahalliy rasmiylar bu hududdagi toshqindan ko‘rilgan ziyon 749 million yuan (115 million dollar)ni tashkil etganini bildirmoqda.
Izoh (0)