Olimlar ko‘rshapalaklardagi infeksiyalar odamga qanday yuqishini ko‘rsatib berdi

Tomsk davlat universiteti olimlarining xalqaro guruhi AQShlik va meksikalik hamkasblari bilan hamkorlikda ko‘rshapalaklar va ularning parazitlarini o‘rganib chiqdi, deb yozadi “TASS”. Olimlar qo‘lqanotlilar odamga xavfli kasalliklarni kemiruvchilar orqali yuqtirishini isbotladi.

Ular ko‘rshapalaklarda kemiruvchilarga xos gamazid (kalamushga oid) kanalarni aniqladi. Shu tariqa, kanalar kasallik uyg‘otuvchilarni ko‘rshapalakdan kemiruvchilarga, ular esa — odamga yuqtiradi. Bundan tashqari, infeksiya odamga ko‘rshapalakdan chivin orqali ham o‘tishi mumkin.

Bungacha qo‘lqanotlilar boshqa umurtqalilardan ma’lum darajada izolyatsiyalangan va infeksiya tarqatuvchi sifatida xavfli emas, deb hisoblanilar edi. Ammo keyinroq olimlar ko‘rshapalaklar Ebola virusi tarqalishida ishtirok etganini aniqladi, aynan shu ushbu jonivorlarni kasallik tarqatuvchilar sifatida o‘rganish muhimligini aniqlab berdi.

Tadqiqot natijasida olingan ma’lumotlar ko‘rshapalaklar qoni tarkibida odamlar uchun ham xavfli bo‘lgan bir nechta turdagi infeksiya va parazitlar aniqlangan bir paytda ayniqsa muhimdir.