Qirg‘iziston ichki ishlar vaziri Melis Turganbayev iste’fo berish haqidagi qarori faqat dam olish istagi bilan bog‘liq ekanligini ma’lum qildi. Bu haqda “RIA Novosti” xabar bermoqda.
“Har bir kishi lavozimdan ketish huquqiga ega. Hech qanday siyosiy sabablar yo‘q. Dam olishni istayman, axir olti yil davomida ta’tilda bo‘lmabman”, — deya ta’kidlagan Turganbayev.
30-may, dushanba kuni Qirg‘iziston prezidenti Almazbek Atambayev o‘z farmoni bilan 2014-yil oktabridan beri mazkur lavozimni egallab kelayotgan Turganbayev iste’fosini qanoatlantirdi. Oxirgi ikki yil davomida Bishkek shahar ichki ishlar boshqarmasi boshlig‘i bo‘lib ishlab kelgan general-mayor Qashqar Junushaliyev vazir vazifasini bajaruvchi etib tayinlandi. Uning nomzodi parlamentga taqdim etish uchun bosh vazirga yuborildi.
Izoh (0)