Toshkent shahar hokimligi rekonstruksiya qilinayotgan magistral ko‘chalarning ro‘yxatini ma’lum qildi

Toshkent shahar hokimligi ayni vaqtda shaharning qator ko‘chalarida olib borilayotgan rekonstruksiya va ta’mirlash ishlariga bag‘ishlangan brifing bo‘lib o‘tdi. Hokimlik Axborot xizmati xabariga ko‘ra, unda yo‘l ishlari aynan qaysi ko‘chalarni qamrab olgani haqida ma’lumot berildi.

Xabar berishlaricha, Toshkent shahar hokimligining mahalliy byudjet mablag‘lari hisobidan:

• O‘zbekiston ko‘chasining Amir Temur ko‘chasi chorrahasidan Bunyodkor ko‘chasi chorrahasigacha;
• Bobur ko‘chasining Xalqaro aeroportdan Nukus ko‘chasigacha;
• Nukus ko‘chasining Bobur ko‘chasidan Mustaqillik ko‘chasigacha bo‘lgan qismida rekonstruksiya ishlari;

• Toshkentning Abdulla Qodiriy ko‘chasida asfaltning ogohlantirishsiz ko‘chirib olingani haydovchilarga noqulaylik keltirib chiqardi

• Abdulla Qodiriy ko‘chasidagi yo‘l o‘tkazgich;
• Mustaqillik va Abdulla Qodiriy ko‘chalari kesishuvidagi yo‘l o‘tkazgich;
• Mustaqillik ko‘chasi va Kichik halqa yo‘li (Salor temir yo‘l va avtoyo‘l ko‘prigi) yo‘l o‘tkazgichi;
• Do‘rmon yo‘lidagi yo‘l o‘tkazgichda ta’mirlash-tiklash ishlari;

• Foto: Toshkentning Mirzo Ulug‘bek va Parkent ko‘chalari kesishmasida katta tirbandlik yuzaga keldi

• Mustaqillik ko‘chasining Amir Temur xiyobonidan Mirzo Ulug‘bek ko‘chasigacha;
• Amir Temur ko‘chasining Amir Temur xiyobonidan Quloqtepa ko‘chasigacha;
• Afrosiyob ko‘chasining Sharof Rashidov ko‘chasidan Nukus ko‘chasigacha;
• Mirzo Ulug‘bek ko‘chasining Taraqqiyot ko‘chasidan TTZ shohbekatigacha;
• Do‘rmon ko‘chasining Mirzo Ulug‘bek ko‘chasidan Bog‘ishamol ko‘chasigacha bo‘lgan qismida rekonstruksiya ishlari;

• Nurafshon ko‘chasining Beruniy ko‘chasidan Chilonzor-Oqtepa maydonigacha uzaytirilishi;
• Nukus ko‘chasini Muqimiy va Bobur ko‘chalari oralig‘ida uzaytirish;
• Mirzo Ulug‘bek ko‘chasidan Ohangaron yo‘ligacha Taraqqiyot ko‘chasini qurish ishlari davom ettirilmoqda.

“Hamyurtlarimiz olib borilayotgan keng ko‘lamli qurilish ishlari davomida yuzaga kelayotgan noqulayliklar, yo‘llardagi tirbandliklarni to‘g‘ri tushunadilar, deb umid qilamiz”, — deyiladi hokimlik axborotida.

Hokimlik axborotida yo‘llardagi rekonstruksiya, ta’mirlash va qurilish ishlari 2016-yil oxirigacha tugallanishi aytilgan.