Тошкент шаҳар ҳокимлиги айни вақтда шаҳарнинг қатор кўчаларида олиб борилаётган реконструкция ва таъмирлаш ишларига бағишланган брифинг бўлиб ўтди. Ҳокимлик Ахборот хизмати хабарига кўра, унда йўл ишлари айнан қайси кўчаларни қамраб олгани ҳақида маълумот берилди.
Хабар беришларича, Тошкент шаҳар ҳокимлигининг маҳаллий бюджет маблағлари ҳисобидан:
- Ўзбекистон кўчасининг Амир Темур кўчаси чорраҳасидан Бунёдкор кўчаси чорраҳасигача;
- Бобур кўчасининг Халқаро аэропортдан Нукус кўчасигача;
- Нукус кўчасининг Бобур кўчасидан Мустақиллик кўчасигача бўлган қисмида реконструкция ишлари;
Тошкентнинг Абдулла Қодирий кўчасида асфальтнинг огоҳлантиришсиз кўчириб олингани ҳайдовчиларга ноқулайлик келтириб чиқарди
- Абдулла Қодирий кўчасидаги йўл ўтказгич;
- Мустақиллик ва Абдулла Қодирий кўчалари кесишувидаги йўл ўтказгич;
- Мустақиллик кўчаси ва Кичик ҳалқа йўли (Салор темир йўл ва автойўл кўприги) йўл ўтказгичи;
- Дўрмон йўлидаги йўл ўтказгичда таъмирлаш-тиклаш ишлари;
- Мустақиллик кўчасининг Амир Темур хиёбонидан Мирзо Улуғбек кўчасигача;
- Амир Темур кўчасининг Амир Темур хиёбонидан Қулоқтепа кўчасигача;
- Афросиёб кўчасининг Шароф Рашидов кўчасидан Нукус кўчасигача;
- Мирзо Улуғбек кўчасининг Тараққиёт кўчасидан ТТЗ шоҳбекатигача;
- Дўрмон кўчасининг Мирзо Улуғбек кўчасидан Боғишамол кўчасигача бўлган қисмида реконструкция ишлари;
- Нурафшон кўчасининг Беруний кўчасидан Чилонзор-Оқтепа майдонигача узайтирилиши;
- Нукус кўчасини Муқимий ва Бобур кўчалари оралиғида узайтириш;
- Мирзо Улуғбек кўчасидан Оҳангарон йўлигача Тараққиёт кўчасини қуриш ишлари давом эттирилмоқда.
«Ҳамюртларимиз олиб борилаётган кенг кўламли қурилиш ишлари давомида юзага келаётган ноқулайликлар, йўллардаги тирбандликларни тўғри тушунадилар, деб умид қиламиз», — дейилади ҳокимлик ахборотида.
Ҳокимлик ахборотида йўллардаги реконструкция, таъмирлаш ва қурилиш ишлари 2016 йил охиригача тугалланиши айтилган.
Изоҳ (0)