27-mayning e’tiborga molik yangiliklari — “Daryo”ning kechki dayjestida.
1. 2016—2017-o‘quv yilida O‘zbekiston OTMlariga 57 907 nafar talaba qabul qilinadi. Eslatib o‘tamiz, o‘tgan yilgi qabul kvotasi ham xuddi shu miqdorda edi.
2. Shayx Muhammad Sodiq Muhammad Yusufning “Tafsiri hilol” kitobi qayta nashr etildi. Ushbu to‘plamni faqatgina “Hilolnashr” nashriyot uyi do‘konlaridan xarid qilish mumkin.
3. O‘zbekistonda gaz-ballon uskunasi o‘rnatilgan avtomobillarga “Diqqat gaz” belgisini qo‘yish taklif etildi. Avtotransport vositalariga o‘rnatilgan gaz-ballonlarning barchasi vaqti-vaqti bilan texnik ko‘rikdan o‘tkaziladi.
4. Ukrainada 1941—1945-yillardagi urushda qatnashgan o‘zbek askarining jasadi qoldiqlari topildi. O‘zbekistonlik askar 1943—1944-yillarda Ukrainaning Vinnitsa viloyatini fashist okkupantlaridan ozod qilish vaqtida halok bo‘lgan.
5. Joze Mourinyo rasman “Manchester Yunayted” bosh murabbiyi etib tayinlandi. Dushanba kuni “MYu” rahbariyati gollandiyalik mutaxassis Lui van Galni bosh murabbiy lavozimidan ozod etgandi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)