27-may, juma kuni O‘zbekiston Respublikasi tashqi ishlar vaziri Abdulaziz Kamilov mamlakatdagi missiyasini yakunlayotgan BMT Bolalar jamg‘armasi (YuNISEF) vakolatxonasi rahbari Robert Fyuderichni qabul qildi. Bu haqda vazirlik matbuot xizmati xabar bermoqda.
Uchrashuvda O‘zbekiston va YuNISEF o‘rtasidagi munosabatlar holati va rivojlantirish istiqbollari muhokama qilindi, aloqalarning konstruktiv va o‘zaro manfaatli tusga ega ekanligi qayd etildi.
Suhbat chog‘ida 16-aprelda imzolangan 2016—2020-yillarda YuNISEFning O‘zbekistonga oid hamkorlik dasturining muvaffaqiyatli amalga oshirilishidan tomonlar manfaatdor ekanligi bildirildi.
YuNISEF vakolatxonasi rahbariga hamkorlikning turli sohalaridagi amaliy masalalarni hal etishga qo‘shgan shaxsiy hissasi uchun minnatdorchilik bildirildi.
Izoh (0)