Avstraliyada qutqaruvchilar tunda dengizda cho‘milayotgan vaqtida timsoh tortib ketgan ayolni qidirmoqda, deb xabar beradi ABC News. Hodisa Kvinslend shtatidagi Deyntri milliy bog‘ida sodir bo‘ldi.
Yirtqich kech kirganda dugonasi bilan dengizda suzishga qaror qilgan ayolga hamla qildi. Uzoq davom etmagan qarshiliklardan so‘ng sudralib yuruvchi o‘z o‘ljasini suv tagiga tortib ketdi. Dugonasi ayolni qirg‘oqqa chiqarishga intildi, ammo uning urinishlari bekor ketdi.
Omon qolgan ayolni kasalxonaga yetkazishdi. U shok holatida edi. Shuningdek, u timsoh bilan jang vaqtida qo‘lidan jarohat olgan. Politsiya xodimlariga ko‘ra, g‘oyib bo‘lgan ayolni teplovizor bilan jihozlangan vertolyot orqali qidirish ishlari muvaffaqiyatsiz yakunlangan. Biroq qidiruv davom etmoqda.
Izoh (0)