Tibbiyot sohasining 152 mutaxassisi 2016-yilgi Olimpiya o‘yinlarini Zika virusi bois Rio-de-Janeyrodan boshqa yerga ko‘chirish yoki uni bekor qilish so‘ralgan xatni imzoladi. Butunjahon sog‘liqni saqlash tashkiloti bosh direktori Margaret Chenga qaratilgan murojaat Rio Olimpics Later saytida joylashtirildi, deb xabar bermoqda “RBK”.
Maktubda ta’kidlanishicha, 500 ming xorijlik turist Zika virusiga chalinishi tahdidi mavjud. Xastalik Afrika va Janubiy Osiyoning qashshoq davlatlarida tarqala boshlasa, vaziyat yanada chigallashadi.
“Bir muddatga qoldirilgan taqdirda ham baribir o‘tkaziladigan o‘yinlar uchun bunday xatarni bo‘yinga olish axloq me’yorlariga ziddir”, — deyiladi bayonotda.
Rio-de-Janeyro Braziliyaning xastalik qayd qilingan shaharlari ro‘yxatida ikkinchi o‘rinda turadi.
Rio-de-Janeyrodagi Olimpiya o‘yinlari 2016-yilning avgust oyida bo‘lib o‘tishi kerak.
Izoh (0)