23-mayning e’tiborga molik yangiliklari — “Daryo”ning kechki dayjestida.
1. Toshkent davlat pedagogika universiteti Chilonzorga ko‘chadi. TDPUning eski binosini egallaydigan yangi — O‘zbek tili va adabiyoti universiteti esa 300 talabani o‘qishga qabul qiladi.
2. Tojikiston fuqarolarining 94,5 foizi referendumda Konstitutsiyaga tuzatishlar kiritilishini qo‘llab-quvvatladi. Endi Tojikistonning amaldagi prezidenti cheklanmagan marta saylanishi mumkin.
3. Barak Obama “Tolibon” yetakchisi yo‘q qilinganini tasdiqladi. “Tolibon” yetakchisi Axtar Mansur 21-may kuni Pokistonning Afg‘oniston bilan chegarasidagi Belujiston viloyatida AQSh droni zarbasi tufayli o‘ldirilgan.
4. Namangan, Farg‘ona va Andijonda “Kitob olami” majmualari ochildi. Shu bilan birga Buxoro, Samarqand va Xorazm viloyatlari markazlarida ham “Kitob olami” majmualari qurilishi ishlari yakunlanmoqda.
5. O‘zbekiston termasi 2-iyun kuni Toshkentda Ekvatorial Gvineya bilan o‘rtoqlik o‘yinida maydonga tushadi. Bu kunning yagona futbol xabari emas — “Manchester Yunayted” bosh murabbiyi Lui van Gal iste’foga chiqarildi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)