Чилонзорга кўчадиган Педагогика университети, чексиз марта сайлана оладиган Тожикистон президенти, Тошкентда меҳмон бўладиган Экваториал Гвинея ва куннинг бошқа муҳим хабарлари

23 майнинг эътиборга молик янгиликлари — «Дарё»нинг кечки дайжестида.

1. Тошкент давлат педагогика университети Чилонзорга кўчади. ТДПУнинг эски биносини эгаллайдиган янги — Ўзбек тили ва адабиёти университети эса 300 талабани ўқишга қабул қилади.

2. Тожикистон фуқароларининг 94,5 фоизи референдумда Конституцияга тузатишлар киритилишини қўллаб-қувватлади. Энди Тожикистоннинг амалдаги президенти чекланмаган марта сайланиши мумкин.

3. Барак Обама «Толибон» етакчиси йўқ қилинганини тасдиқлади. «Толибон» етакчиси Ахтар Мансур 21 май куни Покистоннинг Афғонистон билан чегарасидаги Белужистон вилоятида АҚШ дрони зарбаси туфайли ўлдирилган.

4. Наманган, Фарғона ва Андижонда «Китоб олами» мажмуалари очилди. Шу билан бирга Бухоро, Самарқанд ва Хоразм вилоятлари марказларида ҳам «Китоб олами» мажмуалари қурилиши ишлари якунланмоқда.

5. Ўзбекистон термаси 2 июнь куни Тошкентда Экваториал Гвинея билан ўртоқлик ўйинида майдонга тушади. Бу куннинг ягона футбол хабари эмас — «Манчестер Юнайтед» бош мураббийи Луи ван Гал истеъфога чиқарилди.

Диққат, диққат! «Дарё»нинг Telegram’даги расмий канали — «Тошқин ‘Дарйў»га обуна бўлиб, янгиликлардан овозли кўринишда баҳраманд бўлишингиз мумкин.