Amerikalik tadqiqotchilar yorug‘likning hatto bir martalik ta’siri ham insonda moddalar almashinuvini sezilarli darajada o‘zgartirishini aniqladi. Bu haqda “N+1” xabar bermoqda.
Illinoysdagi Shimoli-g‘arbiy universitet va Klivlenddagi Keys-Uestern universiteti xodimlari uch kunlik tajribada ishtirok etish uchun 19 nafar sog‘lom ko‘ngillini taklif etdi.
Tajribaning deyarli barcha vaqtini qatnashchilar xira yorug‘likda o‘tkazdi. Uchinchi kuni esa ular ikki guruhga bo‘linib, biri ertalab, ikkinchisi esa kechki payt uch soat kuchli yorug‘lik ostida bo‘ldi. Ko‘ngillilardan har yarim soatda glyukoza va insulin tahlili uchun qon namunalari, kortizol, leptin va grelin olindi. Uyquga berilish va ishtaha darajasi baholandi. Olingan natijalar bir kun avvalgi tahlillar bilan solishtirildi.
Ikki guruhda ham kuchli yorug‘lik insulin sekretsiyasi va unga xayrixohlikni sezilarli oshirdi, shuningdek, uyquga beriluvchanlikni kamaytirdi. Kechki guruhda esa glyukozaning qonda to‘planish darajasi ham oshgani kuzatildi. Shu tariqa moddalar almashinuvi yorug‘lik tartibiga ham bog‘liq ekanligi, yorug‘lik kuchiga ta’sir ko‘rsatib, uni o‘zgartirish mumkinligi aniqlandi.
Izoh (0)