Tojikistonda mamlakat konstitutsiyasiga tuzatishlar kiritish bo‘yicha umumxalq referendumi boshlandi. Bu haqda “Gazeta.ru” xabar bermoqda.
Tuzatishlar amaldagi davlat rahbariga Tojikiston prezidentligiga nomzodini cheklovlarsiz qo‘yish imkoniyatini beradi. Shuningdek, prezidentlikka nomzodlar uchun eng kichik yosh 35 dan 30 gacha pasaytirilishini nazarda tutadi. Mamlakat hududida milliy va diniy tamoyillarga ko‘ra siyosiy uyushmalar, partiyalar tashkil etilishiga taqiq joriy etiladi.
Ekspertlar tuzatishlarning kiritilishi Emomali Rahmonning katta o‘g‘li Rustami Emomaliga 2020-yilda, otasi lavozimini tark etishga qaror qilgan taqdirda davlat rahbarligiga nomzodini qo‘yish imkonini berishini taxmin qilmoqda.
Referundum boshlanganidan uch soat o‘tib, saylovchilarning 29,8 foizi ovoz berib bo‘lgani bildirilmoqda. Ovoz berish byulletenida bitta savol aks etgan: “Mamlakat konstitutsiyasiga kiritilgan o‘zgarish va qo‘shimchalarni qo‘llab-quvvatlaysizmi?”.
Izoh (0)