Shveysariya sudi 21 yoshli tunislik yigit 71 yoshli qallig‘ini sevishi mumkin emas, unga faqat fuqarolik uchungina uylanish niyatida, degan qarorga keldi. Biroq shveysariyalik sobiq kotiba kuyov bilan qiziqishlari o‘xshashligi va bunday nikohning hech qanday qo‘rqinchli joyi yo‘qligini ma’lum qildi, deb xabar beradi Life.
“Biz ikkimiz ham repni, tabiatda sayr qilishni yoqtiramiz, qiziqishlarimiz bir”, — deb ta’kidladi ayol.
Kelin-kuyov 3 yil avval internet orqali tanishib, o‘tgan yili shaxsan ko‘rishgan edi. Ayol Tunisga kelganidan so‘ng bu yerda nikohga ariza topshirildi.
Shveysariya qonunlariga ko‘ra, nikoh qurmoqchi bo‘lganlar yashab turgan joylari bo‘yicha ariza berishi, so‘ng tekshiruvdan o‘tishi lozim. Nikohni qonunlashtirish mumkin yoki yo‘qligi haqidagi qarorni esa sud qabul qiladi.
Izoh (0)