Liviya rasmiy so‘rovsiz mamlakatda harbiy operatsiyalar o‘tkazilmasligi kafolatini oldi

Xalqaro hamjamiyat Liviya milliy birdamlik hukumatini rasmiy so‘rovsiz hech qanday harbiy operatsiyalar o‘tkazilmasligiga ishontirdi. Bu haqda Liviyaning AQShdagi ishonchli vakili Vafo Bugaygis ma’lum qildi, deya xabar beradi “Kommersant”.

“Xalqaro hamjamiyat rasmiy so‘rovsiz ichki ishlarimizga aralashmasligini ma’lum qilganidan xabarim bor. Ularning nuqtai nazari shunday”, — deya ta’kidlagan Bugaygis.

Venada bo‘lib o‘tgan Liviya bo‘yicha xalqaro konferensiyada ishtirok etgan dunyoning yetakchi davlatlari vakillari IShIDga qarshi shoshilinch choralar ko‘rishni va’da qilayotgan Liviya rasmiylariga qurol-aslaha yetkazib berish va mamlakatga nisbatan qurol embargosini qisman bekor qilishga tayyor ekanliklarini bildirgandi.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.