Rossiya Kuvaytga Sovet Ittifoqi qarzi — 1,1 milliard dollar asosiy qarz va 620 million dollar hisoblangan foizlarni to‘liq to‘lab berdi. Bu haqda “RBK” xabar bermoqda.
Qarzdorlik 26-aprelda to‘lab berilgan, biroq Rossiya moliya vazirligi bu haqda 20-may, juma kunigina ma’lum qildi. Vazirlik tomonidan tarqatilgan press-relizda 1,1 milliard dollar qarzdorlik mablag‘ vositasida, qarzga hisoblangan foizlar esa Rossiyaning yuqori texnologiyali mahsulotlari bilan qoplangani bildirilgan. Qarzdorlik shu tariqa qoplanishi haqida ikki davlat bundan o‘n yil avval kelishib olgandi.
Mazkur qarz Sovet Ittifoqi Vneshekonombankiga 1991-yili Kuvaytning Foreign Trading Contracting & Investment moliya korporatsiyasi tomonidan yetti yil muddatga berilgan, biroq 1998-yili Rossiyada ro‘y bergan defolt kreditni qaytarish muddati cho‘zilishi va qarzning ortishiga olib kelgandi.
Izoh (0)