BMT Xavfsizlik kengashi Liviyaga nisbatan qurol embargosini qisman bekor qilishga rozi bo‘ldi

BMT Xavfsizlik kengashi doimiy a’zosi bo‘lgan davlatlar vakillari Liviyaga nisbatan tatbiq etilgan qurol embargosini qisman bekor qilish ustida ishlashga tayyor. Bu haqda Venada bo‘lib o‘tgan Liviya bo‘yicha xalqaro konferensiya yakuniy kommyunikesida ma’lum qilingan, deya xabar beradi “Interfaks”.

Associated Press ma’lumotlariga ko‘ra, “AQSh va boshqa dunyo davlatlari IShID hamda shu kabi terrorchilarga qarshi turish uchun jahon hamjamiyati tomonidan tan olingan Liviya hukumatiga qurol yetkazib berishga tayyor. Mamlakatlar Liviyaga nisbatan qurol embargosi qisman bekor qilinishiga intiladi”.

Kommyunike Xavfsizlik kengashining besh doimiy a’zosi va konferensiyada ishtirok etgan 15 davlat tomonidan imzolangan.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.